Hoxe, visitáronos o señor Luís, o paxaro e a súa namorada para contarnos unha historia na que… hai que ter paciencia!
Contámosvos un segredo? A nós parecíansenos á mamá e ao papá da nosa compi Zeltia!!
Sexa como sexa fixéronnos pasar un anaco xenial! Grazas a moreas!
Canto nos gusta recortar! Nesta ocasión fixémolo para crear unhas flores de primavera.
Hoxe, o alumnado de infantil aprendeu un montón grazas a Juan, pai dos nosos compis Mateo e María. El é técnico municipal do Concello e ten a titulación de enxeñeiro de montes. Durante a charla, enmarcada dentro do PDI deste curso “a nosa pegada”, ensinoulles a evolución das casas ao longo da historia e explicoulles, dun xeito moi ameno, como facer que os nosos fogares sexan enerxéticamente máis eficientes.
Gracias por vir!
Chegou o bo tempo e con el… a biblio patio!!
Que ganas tiñamos de volver compartir contos no tempo lecer!!!
Empregando material de refugallo cada aula creo personaxes, obxectos… anacos dos seus contos favoritos.
De seguro que sabedes cal é o dos peques da nosa aula. E os demais, adiviñasdes cales son?
No cole, conmemoramos o Día do Libro cunhas contadoras de historias moooi especiais: as familias.
Na aula, a nai do noso compi Martín Pacín leunos un conto moi divertido sobre unha eiruga impaciente. Encantounos!!! Mil gracias por vir.
Rematamos poñendo en práctica algo que nos ensinou a eiruga: a paciencia! Por iso, realizamos unha sesión de ioga.
Vaia sorpresas atopamos hoxe ao entrar na aula!!!
Tiñamos unha caixa con eirugas, ás que temos que coidar e a profe Livi deixounos de agasallo un libro con mooooita información sobre as bolboretas.
Canto imos aprender!
Seguimos traballando de xeito globalizado e integrando os proxectos no resto de áreas.
Aquí nos tedes traballando a asociación de número e cantidade mentras lle damos de comer a oruga larpeira.
E agora, estampando con letras de sello a palabra BOLBORETA, despois de facer un debuxo con acuarela.
Saímos ao bosque do cole para explorar os cambios da primavera e… como non podía ser doutro xeito a buscar bolboretas!!!
Despois de ver o ciclo de vida das bolboretas realizamos un experimento para ver "medrar ás orugas"
Collimos un pano de papel, fixemoslle raias, envolvímolo nun pau, enrugámolo para simular unha oruga e ao caerlle a auga enriba... fixemos maxia!
Aquí tedes os pasos por se vos apetece probar na casa.
Recreamos no cole a "Carreira Enki", unha carreira non competitiva, para promover a inclusión así como o respecto e a educación na diversidade.
Seguimos avanzando no recoñecemento do cadrado.
-traballamos a atención e percepción realizando copias de patrón a, fixándonos na forma, cor e onde está colocada cada peza.
-buscamos cadrados pola aula.
-construimos con pezas magnéticas
-trázanos o cadrado
-realizamos series
Comezamos o trimestre cun novo proxecto: As bolboretas!
O punto de partida foi o conto “Unha eiruga moi larpeira”, con el xa aprendimos algunha cousiñas e… animámonos a debuxar unhas bolboretas para pintalas con acuarela. Todo concentración e creatividade!
A partir da lectura do conto "Así es mi corazón", descubrimos que o noso corazón esconde un montón de sensacións segundo como nos sentimos, falamos delas e creamos uns corazóns inspirados na súa portada empregando rotuladores e o boli 3D.
Para repartilos cada neno ou nena colleu un corazón ao chou, levoullo ao compi correspondente e díxolle algo que lle gusta del. Escoitáronse cousas como: gústame xogar contigo, debuxas xenial, encántame cando compartes os xoguetes, eres moi divertido...
Comprobamos a sensación que viaxa por dentro do noso corazón cando somos amables e nos din cousas bonitas... encantóunos!
Todas as mañás, cando entramos no cole realizamos unha serie de rutinas:
-Quitamos a abrigos e poñemos os mandilóns, cada vez de xeito máis autónomo.
-Sentámonos no corcho e miramos a que neno ou nena lle toca ser encargado. Aquí comezan as súas tarefas do día.
-Cantamos a canción dos "bos días" acompañada de ritmo para ir captando a atención.
-Damos os bos días a todos os compis e colocamos o seu nome na caixiña do cole ou da casa. Contamos os que están e os que faltan, a partir de aquí ordenamos a serie numérica e escollemos o número correspondente en función da cantidade de nenos que falten.
-Seguimos, poñendo a data: cantamos os días da semana, marcamos o número.
-Vemos o tempo que fai e a estación na que estamos.
-O encargado ordena as letras do seu nome, contaas e escolle o número.
-Para rematar, debúxase nun folio e escribe o seu nome (nesta actividade imos participando todas e todos para ir adquirindo conciencia fonolóxica)
-Realizamos unha pequena asemblea na que temos que respectar turno de palabra e escoitar aos compis.
-A partir de aquí realizamos algunha actividade grupal manipulativa ou de movemento.
No conto "A xacia Luviñas" de Anxo Moure, atopamos un montón de ideas para coidar o planeta!
Abride ben os oídos!
Durante este trimestre, avanzamos no coñecemento do noso corpo pero... como somos por dentro?
Empregamos varios contos e libros informativos para ver como é e para que sirve: o noso esquelete, o corazón, os pulmóns, o noso cerebro...
Coa aplicación bodyplanet vimos o noso corpo por dentro!!
Para estimular este sentido ulimos varias plantas e descubrimos os seus usos (para cociñar, para a dor de barriga)
Tamén elaboramos o noso propio perfume con laranxa. Tivemos que deixar as mondas da laranxa a macerar en alcohol durante dez días nun lugar escuro. Cando o sacamos engadimos auga e aceite de améndoas. Preparamos os nosos botes (enroscamos ee desnroscamos: actividade estupenda para fortalecer a nosa man e coordinación) E, soamente nos queda...uliiiir!!!
Dulce, ácido? Non hai máis que ver as nosas caras para averiguar que sabor é o que máis nos gusta!
De seguro, escoitastes aos peques cantar a canción dos dedos!
Aquí tedes a Migallas, cunha versión moi similar á que cantamos na aula.
Tocar, tocar e tocar... encántanos poñer a proba o sentido do tacto!
A través distintos materiais coñecemos texturas e características dos obxectos.
Algo máxico aconteceu cando traballamos este sentido: ocurríusenos crear un recanto da calma na aula! Á volta das vacacións ensinámosvolo!!
Poñemos a proba o sentido do oído a través da caixa de instrumentos... seriamos quen de recoñecelos? Claro que sí!!
Tamén coñecimos a unhas criaturiñas moi especiais que nos axudan a estar en calma: as criaturas silenciosas!! Se escoitan moito ruído teñen que esconderse na súa caixa!
Coñecemos o sentido da vista a través das figuras xeométricas, discriminando forma e cor.
Buscamos similitudes, diferencias e poñemos a proba a nosa memoria intentando recordar as figuras ou obxectos que había dentro dunha cesta.
Tamén probamos a pechar o ollos e comprobar como podemos facer para poder movernos polo espazo ou discriminar obxectos.
Velaquí outros dos xogos que tivemos nos recantos este trimestre:
-Compoñer caras: asociado ás emocións
-Ruleta do inverno: un xogo estupendo de atención e observación para seguir profundizando no vocabulario do inverno.
Este trimestre demos os primeiros pasos no coñecemento das regletas (neste artigo podedes ler que son)
Nesta ocasión realizamos actividades de conteo e correspondencia.
Con motivo do Día Mundial da Árbore, a asociación A Capela de Vilar de Donas invitounos a facerlle unha
visita ás árbores que plantou o alumnado do cole o curso pasado. Encantounos ver como
comezan a brotar!
Aproveitamos a viaxe para tomar a merenda e xogar... sempre en contacto coa natureza!
