Os primeiros días do cole coñecimos ao monstro das cores. Él tamén empezou o cole e... estaba feito un lío, cada vez que cambiaba de emoción cambiaba tamén a súa cor.
Nós, hoxe, axudámoslle a ordealas na mesa de luz. Pensamos unha situación, decidimos como nos fai sentir e escollemos a cor para colocala no bote correspondente.
Despois, na biblio descubrimos que o monstro ten un recanto para a calma, por iso está de cor verde!
Aquí tedes un vídeo co conto por se non o coñecedes na casa.
No día de onte,
achegáronse á aula un grupo de voluntarias e voluntarios do Xacobeo de
Palas de Rei para realizar un obradoiro de construción de instrumentos con materiais de refugallo.
Avanzamos na adquisición de vocabulario novo vencellado ao cole e ao outono a través de distintos xogos.
Comezamos xa a coñecer os materiais de cada recanto… primeiro facemos algún xogo de grupo para despois integralo no espazo correspondente e poder xogar libremente. A partir de aquí imos aprendendo os primeiros conceptos!
A semana pasada pasamos polo recanto de arte, lóxico matemática e construcción.
Chegou setembro e con él un novo curso.
Nestes días os máis peques do cole estiveron adaptándose e coñecendo espazos, materiais, compis, profes e... como non podía ser doutro xeito: pasándoo moi ben! Xogamos, limos contos, cantamos, pintamos cos dedos, aprendemos as primeiras rutinas da aula... todo con moitas ganas e ilusión!
PRIMEIRA SEMANA DE COLE SUPERADA CON ÉXITO!
