Queremos paz

O 30 de xaneiro conmemoramos o día da paz no cole (preme aquí para ver un resumo)
O cole encheuse de moreas de pombiñas cunha mensaxe moi clara: PAZ! Nós queremos paz e para conseguilo que mellor que traballar en equipo... porque a paz comeza aquí...aprendendo a escoitar aos demais, respectando opinións, tomando decisións,...

A paz é...

Despois da lectura do conto "El libro de la paz " saíron unhas reflexións moi interesantes. E para vós, que é a paz?

Ommm...

Facemos ioga para aprender a relaxarnos 

Mural inverno

Aínda tiñamos na aula o mural do outono sobre o conto de "Xaime e as landras ", hoxe pensamos en aproveitalo para facer o do inverno....eles mesmos se organizaron e decidiron como cambialo. Un fantástico traballo en equipo!!

Palabras sorpresa

Temos unha nova rutina polas mañás. Aquí tedes á encargada de hoxe descubrindo a palabra segreda a partir das iniciais das imaxes. Para construír o xogo fixemos nós os debuxos, estamos encantados co noso abecedario!

Estampamos neve

Encántanos apretar o papel de burbullas e sírvenos para fortalecer a presión nos dedos peeeeero antes de facelo empregámolo para estampar neve. 

Sementar, sementarei

Comezamos o ano cunha noticia xenial, o invernadoiro ten plástico novo...Así que está listo para usar!! Que ganas temos de comezar a traballar na terra, xa temos un montón de ideas do que queremos cultivar.
Fíxonos  tanta ilusión que comzamos sementado un pouquiño no recanto da natureza!!