lunes, 22 de diciembre de 2025
Fin de ano
Despedimos o 2025 con diferentes obradoiros, chocolate con churros, badaladas e ata un brindis todos xuntos.
Xogos compartidos
Canto nos gusta pasar tempo cos nosos compis de 4º de infantil A.
Nesta ocacións para compoñer, experimentar, manipular, crear, xogar... coa temática do nadal.
Sorpresa
Creamos unhas postais moi especiais para agasallar aos nosos profes!
Canto nos axudan e nos ensinan!
Apalpador
Nestes días, apareceu no cole unha nena que buscaba a casa da súa tía Mariña, o alumnado de infantil quixémola axudar e vaia sorpresa... atopamos na biblio do cole unha casa. E sabedes de quen era? Do Apalpador!
Cantounos, recolleu as nosas cartas e ata nos deu un agasallo feito con madeira.
Sería todo un soño?
Arqueixal
Dentro do programa “Da escola á granxa” visitamos Arquixal, encantounos facer o noso propio queixo!
Podedes ver máis imaxes da xornada premendo aquí.
Tortilla
Xuntámonos cos nosos amigos e amigas da outra aula de tres anos para facer unhas ricas tortillas para a hora da merenda! Ñam!!
Cumples1º trimestre
Parabéns a todos os peques que cumpliron neste primeiro trimestre. Celebrámolo con moooita festa!
Podes ver máis imaxes dende aquí.
viernes, 5 de diciembre de 2025
Capacidades diversas
Adicamos esta semana a coñecer e poñer en valor as diversas capacidades.
Ademais de ler algún conto e reflexionar na aula sobre o tema, participamos nas actividades de centro que nos serviron para experimentar, coñecer, sentir, respectar...
Día da ciencia
Novembro é o mes da ciencia en galego nas bibliotecas escolares.
Nós, compartímolo cos nosos compis da aula de 3 anos A, explicándolles aos maiores como facer unha ola con auga, perfume e unha vela!
Patinador
Creamos este patinador sobre xeo para colocar nun lugar moi especial do noso cole...
Moi pronto descubriredes onde se atopa!
Galiñas
A semana pasada tocounos coidar as galiñas, aínda que non poden saír do seu galiñeiro encantounos visitalas para recoller os ovos!
martes, 25 de noviembre de 2025
25N
Conmemoramos o 25 de novembro!
📖 Lendo contos como: Artur e Clementina ou Orellas de Bolboreta.
✋🏽 Construíndo a palabra NON, xunto coas mans de todo o alumnado do cole, para deixar claro que non queremos violencia.
🎬 Vendo cos nosos compis de infantil Daniela Pirata.
🎶 Cantando Mulleres Pirata de Catuxa Salom, que veu cantar con nós ao cole.
💟 Creando un cartel contra a violencia
💭 Reflexionando moito e poñéndonos no lugar das demais.
jueves, 20 de noviembre de 2025
Día da infancia
Conmemoramos do Día de Infancia vindo en pixama ao cole (polo dereito a medrar en familia) e reflexionamos sobre aquelas cousas que fan que vivamos de xeito seguro.
Isto foi o que acordamos!
Caras cooperativas
Debuxamos caras de xeito cooperativo: debuxamos, paramos para bailar e cando a música se detén, collemos o rotu que temos diante... repetimos ata ter o debuxo finalizado. Así, todos participamos no debuxos dos nosos compis, valorando as producións dos demais e aprendendo a compartir.
Limpar
Que nos caen as lentellas das bandexas de trasvases?
Non hai problema! Nós limpamos, tarefa estupenda para favorecer a autonomía e coordinación manual.
Percepción
Día a día, imos avanzando na nosa percepción visual e orientación espacial.
Como mostra este xogo!
Bravo!
Luz negra
A profe Yovania contounos o conto "¿Qué bigotes me pasa?" empregando luz negra.
Despois, probamos a pintar con cores flour. Que ben o pasamos!
Conciencia fonolóxica
Comezamos a descubrir os primeiros sons, pois o primeiro paso para coñecer as letras é discriminar o seu son. Nesta ocasión facémolo a partir dos articulemas.
Rutinas
O primeiro que facemos polas mañá ao chegar á aula, son as rutinas de entrada: cantar, saudar aos amigos e amigas, contar os que están e os que faltan, mirar no calendario o día da semana, marcar o tempo que fai, ordear as letras do encargado do día e por suposto, asemblea.
viernes, 7 de noviembre de 2025
miércoles, 5 de noviembre de 2025
Crocodilo
Un dos primeiros contiños que vimos no cole foi "Crocodilo" da editorial Kalandraka. É un conto cantado e, hoxe, fixémolo así de ben na radio do cole. Escoitade!
viernes, 31 de octubre de 2025
Samaín 2025
Así de feitiños chegamos ao cole neste Samaín!
Familias, gracias a moreas pola vosa colaboración sempre!
Contacontos Samaín
Neste Samaín bailamos, cantamos e contamos!
Na nosa aula preparamos o conto "Monstruosa Sorpresa" e contámosllo aos nenos e ás nenas de 5º de primaria, eles tamén nos contaron historias inventadas por eles mesmos, encantáronnos! Ademais, déronnos unha sorpresa moi doce!
Experimento de Samaín
A profe Yovania, trouxonos esta semana un experimento moi máxico para o Samaín!
Dentro duns vasiños en forma de monstro metemos vinagre e bicarbonato e… como medra!
sábado, 25 de octubre de 2025
Inauguración dos Xogos Olímpicos
Quedan inaugurados os Xogos Olímpicos do cole de Palas baixo o lema:
"O noso podio: igualdade, respecto e diversión"
Un representante de cada curso portou o facho ata a pira para dar comezo ao desfile das distintas sedes olímpicas, os máis peques representamos a Atenas
Podedes ver dende aquí máis imaxes.
Neste acto, déronse a coñecer as mascotas olímpicas destes xogos: a vaca Galleira e a queixiña Ulloiña.
Parabéns aos gañadores do concurso e a todos os participantes! Mil gracias pola vosa colaboración!
Podedes escoitar o seu himno dende aquí.
Estacións aprendizaxe
Nestes días de Samaín, aproveitamos para centrar as estacións de aprendizaxe en:
-Mesa sensorial, na que facemos trasvases con distintos útiles que van forzalecer as nosas mans e mellorar a coordinación óculo manual.
-Creación de composicións libres empregando a pinza, adquirimos forza e precisión para un mellor agarre.
-Vocabulario coa nosa profe Luci (especialista en audición e linguaxe)
Para estas estacións de aprendizaxe dividímonos en tres grupos e rotamos de estación ao longo da sesión.
Recta numérica
Iniciámonos no uso da recta numérica saltando tantas veces como froitos do outono contamos!
viernes, 17 de octubre de 2025
O outono
Aproveitamos o sol de outubro para saír ao bosque cos nosos amigos e amigas de 3 anos.
Cantos cambios nos trae o outono!
Preparando o Samaín
Vaia sorpresa nos tiña preparada a nosa mascota Tete cando entramos na aula!
Descubrimos a festa do Samaín! Ten súa orixe cos celtas, servía para festexar o fin da colleita e dar a benvida ao outono. Para atraer a boa sorte baleiraban cabazas e deixábanas con candeas acesas nas portas das casas.
Nós puxémonos mans á obra e limos algún contiño sobre o tema, tinguimos garavanzos para preparar unha mesa sensorial e pintamos cabazas.
martes, 14 de octubre de 2025
Robot
Iniciámonos no uso do robot programable un recurso que nos permite traballar a orientación espacial, o conteo e, nesta ocasión, o vocabulario do outono.
Cooperamos
Primeiros retos cooperativos: contruímos estradas.
Para isto, temos que escoitas aos compañeiros, tomar decisións, respectar o turno, compartir, chegar a acordos... fixémolo xenial!
Suscribirse a:
Comentarios (Atom)